సోమవారం నుండి హౌస్ లో హీటెడ్ నామినేషన్లు  జరుగుతున్నాయి. అయితే ఇందులో ఒక్కో కంటెస్టెంట్ చేసే నామినేషన్ చాలా కీలకం. ఎందుకంటే వారు చేసే నామినేషన్ వల్లనే హౌస్ లోని వ్యక్తి బయటకు వస్తారు.

అయితే నిన్నటి నుండి సాగుతున్న నామినేషన్లో అందరు కలిసి భోలే షావలిని నామినేట్ చేస్తున్నారు. ఎంతో ఓపికగా ఉండే భోలే షావలికి కూడా చిరాకు తెప్పించారు ఈ సీరియల్ బ్యాచ్. శోభా శెట్టి నామినేషన్ చేస్తున్నప్పుడు ప్రియాంక జైన్ మధ్యలో వచ్చి మాడ్లాడటాన్ని నెటిజన్లు విమర్శిస్తున్నారు. దానికి కారణం ఏంటంటే.. నిన్న ప్రియాంక జైన్, భోలే షావలి మధ్య నామినేషన్ ప్రక్రియలో చాలా వాగ్వాదం జరిగింది. అయితే భోలే ఎంతో సానుకూలంగా స్పందించాడు. అయితే సీరియల్ బ్యాచ్ మాత్రం అతడిని టార్గెట్ చేసినట్టుగా తెలుస్తుంది.

తాజాగా విడుదలైన ప్రోమోలో.. ఒక అమ్మాయి పక్కన ఉన్నప్పుడు నోరు అదుపులో పెట్టుకొని మాట్లాడాలని భోలే షావలిని శోభా శెట్టి అనగా.. నువ్వు మోనితవి శోభావి కాదని భోలే అన్నాడు. ఆ తర్వాత మధ్యలోకి వచ్చి‌న ప్రియాంక.. థూ.. అంతా యాక్టింగ్ అని అంది. ఇన్ని రోజులో మీతో నవ్వుతుంటే ఇలా అర్థం చేసుకుంటారా, నువ్వు నన్ను థూ అని అన్నావ్, నేను తిరిగి థూ అని అంటే నీ బతుకేం కావాలే అని భోలే అన్నాడు. అయితే ఈ నామినేషన్ లో ప్రియాంక థూ అని ఒక హౌజ్ మేట్ ని అనడం ఎంత వరకు కరెక్ట్ అంటూ తనపై విమర్శలు వస్తున్నాయి. తాజాగా విడుదలైన బిగ్ బాస్ ప్రోమో కింద ప్రియాంకని తిడుతూ నెటిజన్లు నెగెటివ్ కామెంట్లు చేస్తున్నారు.